Sul Fogon
Juvenal Dal Castel

/: Ghe ze un fogon a legna, nte la casa de un talian,
Par brustolar la polenta e scaldarse su le man :/

Cara, vien darente a mi, qua dedrio del fogon.
Séntete zo in carega, cónteme su'n qualche stòria,
Che me piase ciacolar.
Porta qua'n bicier vin, so'invissià da picinin.
Tirem' fora i mandolini, parché i ze belche passai,
Impienimo su de patate, ntel forneto se cusina.
Assa el gato dormir rento, che stassera vien la brina.

Seremo su le finestre, que non vegna rento fredo.
Dame 'l sal, nantra sciantina. Ghe vol forsa par dresfar
Questi gnochi de farina
Su 'na legna de ocalito, che scalda la casa intiera.
E'l compare, sarà vera che'ol pròpio scampar via?
Se ciaparà gramo suito, tocarà tornar in drio.
Na dona compagna questa pol sercar, no'l cata mia.

Gh'emo in torno, i tosatei, drio che i fà el tema de casa.
Prima che bruse el soaio, quando casca zo na brasa
Caton su co'n strasso moio.
Atenti co la salera, che ghe ze àqua de boio.
No só se fao na fortaia, o se me rostisso 'n ovo.
Queste note cosi frede, gnente meio que un bon fogo,
Poi, de giorno, fora al vento, se scaldemo ntel laoro.