Itàlia, Mama, Nona, Bisnona
Juvenal Dal Castel

Itàlia, Mama, Nona, Bisnona,
Gran' genitora de tuti i taliani del mondo.
Itàlia, Mama
Gran genitora de tuti i taliani del mondo.

Mama che speta pramosa el ritorno del fiol che dimora.
Te portemo anca noantri ntel cor
E gavemo par ti riverensa e amor.
Come capir questa voia de ritrovar
Questi posti andove non semo mai stati?

Par fin belche 'ver caminà le pianure e scalà to montagne.
Belche pestà sula sàbia ntel bagno del mar.

Son sicur che ala note, me ànima
Camina ntel sogno, trasportata in lontan
Sula nave del tempo e del spàssio
A sodisfar el bisogno de ritrovar
So mama de ieri, de ancoi e doman.